Raqs karne ka mila hukm jo dariyaon mein -Qateel Shifai

Posted by 18 September, 2012

raqs karne ka mila hukm jo dariyaon mein
hum ne khush hoke bhanvar bandh liye paon mein

un ko bhi hai kisi bhige hue manzar ke talash
bund tak bo na sake jo kabhi saharaon mein
ae mere ham-safaron tum
bhi thake-hare ho
dhup ke tum to milavat na karo chaon mein
jo bhi aata hai batata hai naya koi ilaj
baat na jaye tera bimar masihaon mein
hausla kis mein hai yusuf ke kharidari ka
ab to mahangai ke charche hai zulaikhaon mein

moderator’s note:
references to yusuf and zulaikha can be
found in various ghazals and nazms yusuf (joseph), son of
yaqub (jacob) was a very handsome man he was sold in
market of egypt where he was bought by zulaikha zulaikha
married him after her husband died
jis barahaman ne kaha hai ke ye saal acha hai
us ko dafnao mere hath ke rekhaon mein

moderator’s note:
the first misra (line) is obviously a reference to ghalib’s
“ik barhamin ne kaha hai ki ye saal acha hai”
wo khuda hai kisi tute hue dil mein hoga
masjidon mein use dhundho na kalisaon mein

hum ko aapas mein muhabbat nahi karne dete
ik yahi aib hai is shahar ke danaon mein

mujh se karte hain “qateel” is liye kuch log hasad
kyon mere sher hain maqabul hasinaon mein

Related Posts

Categories : Urdu Shayari Tags : , , , ,

Leave Comment

(required)

(required)