Urdu Shayari

Cheharon ke dhup aankhon ke geharai le gaya

Posted by 18 September, 2012 (0) Comment

cheharon ke dhup aankhon ke geharai le gaya
aaina sare shahar ke binai le gaya

dube huye jahaz pe kya tabsara karen
ye hadasa to soch ke geharai le gaya

halanki bezuban tha lekin ajib tha
jo shakhs mujh se chin ke goyai le gaya

is waqt to main ghar se nikalne na paunga
bas ek kamiz thi jo mera bhai le gaya

jhute qaside likhe gaye us ke shan mein
jo motiyon se chin ke sachai le gaya

yadon ke ek bhid mere sath chod kar
kya jane wo kahan meri tanhai le gaya

ab asad tumhare liye kuch nahi raha
galiyon ke sare sang to saudai le gaya

ab to khud apani sansen bhi lagati hain bojh si
umron ka dev sari tavanai le gaya

Incoming search terms:

Categories : Urdu Shayari Tags : , , , , ,

Cha rahi kali ghata jiya mora laharaye hai

Posted by 18 September, 2012 (0) Comment

cha rahi kali ghata jiya mora laharaye hai
sun ri koyal banvari tu kyun malahar gaye hai

ae papiha aa idhar main bhi sarapa dard hun
aam par kyun jam raha hai main bhi to aisi zard hun
farq itna hai ki us mein ras hai mujh mein hay hai

sare aazaron se badhake ishq ka aazar hai
aafaton mein jan-o-dil ka dalana bekar hai
bevafa se dil lagakar kya koi phal paye hai

ae papiha chup khuda ke vaste tu ho zara
rat aadhi ho chuki hai ab tujhe kya hogaya
teri pi-pi se papiha pi mujhe yad aaye hai

muddaton dhundha piya ko main ne kar jogan ka bhes
na to main ne un ko paya aur na paya un ka des
log kahate hain ki dhundhe se khuda mil jaye hai

Categories : Urdu Shayari Tags : , , ,

Chalak ke kam na ho aisi koi sharab nahi

Posted by 18 September, 2012 (0) Comment

chalak ke kam na ho aisi koi sharab nahi
nigah-e-nargis-e-r’ana tera javab nahi

zamin jag rahi hai ki inqalab hai kal
wo rat hai koi zarra bhi mahv-e-khvab nahi

zamin us ke falak us ka qayanat us ke
kuch aisa ishq tera khanamakharab nahi

jo tere dard se maharum hai yahan un ko
gam-e-jahan bhi suna hai ki dastayab nahi

abhi kuch aur ho insan ka lahu pani
abhi hayat ke chehare pe aab-o-tab nahi

dikha to deti hai behatar hayat ke sapane
kharab ho ke bhi ye zindagi kharab nahi

Categories : Urdu Shayari Tags : , , ,

Chalakati aaye ke apani talab se bhi kam aaye

Posted by 18 September, 2012 (0) Comment

chalakati aaye ke apani talab se bhi kam aaye
hamare samane saqi ba-sagar-e-jam aaye

ajib bat ke kichad mein lahalahaye kanval
phate purane se jismon pe sajake resham aaye

masih kon bane sare hath aaluda
lahu-luhan hai dharti kahan se maraham aaye

nigar-e subhu se puchenge shab guzarne do
ke zulmaton se ulajhakar wo aai ya hum aaye

bas ek hum hi liye jayen dars-e-ijz-o-niyaz
kabhi to akadi hui gardanon mein bhi kham aaye

Categories : Urdu Shayari Tags : , , ,

Chede main ne kabhi lab-o-rukhsar ke qisse

Posted by 18 September, 2012 (0) Comment

chede main ne kabhi lab-o-rukhsar ke qisse
gahe gul-o-bulbul ke hikayat ko nikhara
gahe kisi shahazade ke afsane sunaye
gahe kya duniya-e-paristan ka nazara
main khoya raha jin-o-malaik ke jahan mein
har lahaja agarche mujhe aadam ne pukara

barason yun hi diljami-e-aurang ke khatir
sau phul khilaye kabhi sau zakhm kharide
main likhata raha hijv bagavat manshun ke
main padhata raha qasrnashinon ke qaside
ubhara bhi agar dil mein koi jazaba-e-sarkash
is khauf se chup tha ke koi honth na si de

lekin ye tilismat bhi ta der na rah paye
aakhir mai-o-mina-o-daf-o-chang bhi tutte
yun dast-o-gareban hua insan-o-khudaband
nakhachir to tadape qafas-e-rang bhi tute
is kashmakash-e-zarra-o-anjum ke fiza mein
kashkol to kya afsar-o-aurang bhi tute

main dekh raha tha mere yaron ne badhakar
qatil ko pukara kabhi maqtal ko sada di
gahe rasn-o-dar ke aagosh mein jhule
gahe haram-o-dair ke buniyad hila di
jis aag se bharpur tha mahaul ka sina
wo aag mere lauh-o-qalam ko bhi pila di

aur aj shikasta hua har tauq-e-talai
ab fan mera darbar ke jagir nahi hai
ab mera hunar hai mere jamahur ke daulat
ab mera junun kaif-e-tazir nahi hai
ab dil pe jo guzaregi be-tok kahunga
ab mere qalam main koi zanjir nahi hai

Categories : Urdu Shayari Tags : , , ,

Chodiye chodiye ye baten to afasane hain

Posted by 18 September, 2012 (0) Comment

chodiye chodiye ye baten to afasane hain
hum bhi divane hain jo aap ke divane hain

mar ke bhi aap ko rusva nahi hone denge
jal ke badanam jo karate hain wo paravane hain

aj insan ne bhula dale hain yazadan ke karam
hum ne to zulm bhi ehasan tere jane hain

yun to saye ke tarah sath wo rahate hain mere
phir bhi mahasus ye hota hai wo begane hain

mera izhar-e-mohabbat na samajh paye aap
ye mera dukh ye mera dard to anjane hain

Categories : Urdu Shayari Tags : , , ,

Choti si galatfahami kar degi juda hum ko

Posted by 18 September, 2012 (0) Comment

choti si galatfahami kar degi juda hum ko
halat na badalenge malum na tha hum ko

rishton ke hamen itani pahachan na thi pahale
kahane ko marasim to apne the bahut gehare
ashkon ke siva lekin kuch bhi na mila hum ko

uthate hue qadamon mein zanjir si pad jati
ehasas-e-nidamat se dahaliz par gad jati
ik bar muhabbat se dete jo sada hum ko

Categories : Urdu Shayari Tags : , , ,

Chupaye dil mein gamon ka jahan baithe hain

Posted by 18 September, 2012 (0) Comment

chupaye dil mein gamon ka jahan baithe hain
tumhari bazm mein hum bezaban baithe hain

ye aur bat ki manzil pe hum pahunch na sake
magar ye kam hai ki rahon ko chan baithe hain

fugan hai dard hai soz-o-firaq-o-dag-e-alam
abhi to ghar mein bahut meharaban baithe hain

ab aur gardish-e-taqadir kya satayegi
luta ke ishq mein nam-o-nishan baithe hain

wo ek lafz-e-mohabbat hi dil ka dushman hai
jise shariat-e-ehasas man baithe
hain

hai maikadon ke baharon se dosti ‘sagar’
baraye had-e-yaqin-o-guman baithe hain

Categories : Urdu Shayari Tags : , , ,

Chupake chupake asar karta hai

Posted by 18 September, 2012 (0) Comment

chupake chupake asar karta hai
ishq kainsar ke tarah badhata hai

jo koi jee na sake mar jaye
aap ka nam abas leta hai

kon sunata hai kisi ke vipada
sab ke mathe pe yahi qissa hai

koi darta hai bhari mahafil mein
koi tanhai mein hans padata hai

yahi jannat hai yahi hai dozakh
aur dekho to yahi duniya hai

sab ke qismat mein fana hai jab tak
aasmanon pe koi zinda hai

wo khuda hai to zamin par aaye
hashr ka din to yahan barpa hai

sans roke hue baitho ‘amjad’
waqt dushman ke tarah chalata hai

Categories : Urdu Shayari Tags : , , , ,

Chupake chupake rat din aansu bahana yad hai

Posted by 18 September, 2012 (0) Comment

chupake chupake rat din aansu bahana yad hai
hum ko ab tak aashiqi ka wo zamana yad hai

bahazaran iztirab-o-sad-hazaran ishtiyaq
tujhase wo pahale pahal dil ka lagana yad hai

tujhase milate hi wo bebak ho jana mera
aur tera daton mein wo ungali dabana yad hai

khinch lena wo mera parde ka kona daffatan
aur dupatte se tera wo munh chupana yad hai

jan kar sota tujhe wo qasa-e-pabosi mera
aur tera thukra ke sar wo muskurana yad hai

tujh ko jab tanha kabhi pana to azrahe-lihaz
hal-e-dil baton hi baton mein jatana yad hai

jab siva mere tumhara koi divana na tha
sach kaho kya tum ko bhi wo karkhana yad hai

gair ke nazaron se bachakar sab ke marzi ke khilaf
wo tera chori chipe raton ko aana yad hai

aa gaya gar vasl ke shab bhi kaheen zikr-e-firaq
wo tera ro ro ke mujhako bhi rulana yad hai

do-pahar ke dhup mein mere bulane ke liye
wo tera kothe pe nange paon aana yad hai

dekhana mujhako jo bargashta to sau sau naz se
jab mana lena to phir khud ruth jana yad hai

chori chori hum se tum aa kar mile the jis jagah
muddaten guzarin par ab tak wo thikana yad hai

berukhi ke sath sunana dard-e-dil ke dastan
aur tera hathon mein wo kangan ghumana yad hai

vaqt-e-rukhsat alvida ka lafz kahane ke liye
wo tere sukhe labon ka thar-tharana yad hai

bavajud-e-idda-e-ittaqa ‘hasrat’ mujhe
aj tak ahad-e-havas ka ye fasana yad hai

Categories : Urdu Shayari Tags : , , , ,