Honthoo Shayari

Free Honthoo Shayari / Sms / Poetry in Hindi & Urdu

Tum Mujhe Kabhi Dil Kabhi Aakhon Se Pukaro

Posted by 12 September, 2012 (0) Comment

Tum Mujhe Kabhi Dil Kabhi Aakhon Se Pukaro
Ye Hothon Ke Taqaluf To Zamane Ke Liye Hain

Incoming search terms:

Categories : Honthoo Shayari Tags :

Hountoo Ka Tabasuum Rahay Qaim

Posted by 12 September, 2012 (0) Comment

Us Kai Hountoo Ka Tabasuum Rahay Qaim
Us Kai Jeewan Main Khushyooo Ka Basaira Ker Day
To Mairay Karb Ki Ratooo Ko Bhalay Khattam Na Ker
Us Ki Her Shaam Kai Aakhir Main Sawaira Ker Day
Us Kai Dil Kai Koonay Main Jaga Dai Mujh Ko
Us Ki Ankhooo Ko Mairay Sapno Ka Zakhira Ker Day

Categories : Honthoo Shayari Tags :

Aap agar hum ko mil gaye hote – Abdul Hameed Adam

Posted by 12 September, 2012 (0) Comment

aap agar hum ko mil gaye hote
bag mein phul khil gaye hote
aap ne yun hi ghur kar dekha
honth to yun bhi sil gaye hote
kash hum aap is tarah milate
jaise do waqt mil gaye hote
hum ko ahal-e-khirad mile hi nahi
varana kuch munfail gaye hote
us ke aankhen hi kaj-nazar thin “adam”
dil ke parde to hil gaye hote

Categories : Honthoo Shayari Tags : , , , ,

Aap ko dekh kar dekhata rah gaya – Aziz Qaisi

Posted by 12 September, 2012 (0) Comment

Aap ko dekh kar dekhata rah gaya
kya kahun aur kahane ko kya rah gaya
un ke aankhon mein kaise chalakane laga
mere honton pe jo majara rah gaya
aise bichde sabhi rah ke mod par
aakhari hamsafar rasta rah gaya
soch kar aao ku-e-tamanna hai ye
janeman jo yahan rah gaya rah gaya

Categories : Honthoo Shayari Tags : , , , ,

Apne hothon par sajana chahata hun – Qateel Shifai

Posted by 12 September, 2012 (0) Comment

apne hothon par sajana chahata hun
aa tujhe main gunagunana chahata hun
koi aansu tere daman par girakar
bund ko moti banana chahata hun
thak gaya main karate-karate yaad tujh ko
ab tujhe main yaad aana chahata hun
cha raha hai sari basti mein andhera
roshni ho ghar jalana chahata hun
aakhari hichaki tere zanon pe aaye
maut bhi main shayarana chahata hun

Categories : Honthoo Shayari Tags : , , , ,

Had-e-nigah tak ye zamin hai siyah phir – Shahryar

Posted by 12 September, 2012 (0) Comment

had-e-nigah tak ye zamin hai siyah phir
nikali hai juganuon ke bhatakati sipah phir
honton pe aa raha hai koi naam bar bar
sannaton ke tilism ko todegi aah phir
pichale safar ke gard ko daman se jhad do
aavaz de rahi hai koi suni rah phir
berang aasman ko dekhegi kab talak
manzar naya talash karegi nigah phir
dhili hui giraft junun ke ke jal utha
taq-e-havas mein koi charag-e-gunah phir

Categories : Honthoo Shayari Tags : , , , ,

Hairaton ke silsile soz-e-nihan tak aa gaye – Qabil Ajmeri

Posted by 12 September, 2012 (0) Comment

hairaton ke silsile soz-e-nihan tak aa gaye
hum nazar tak chahate the tum to jan tak aa gaye
namuradi apni qismat gumrahi apana nasib
karavan ke khair ho hum karavan tak aa gaye
un ke palkon par sitare apne honton pe hansi
qissa-e-gam kahate kahate hum kahan tak aa gaye
apni apni justaju hai apana apana shauq hai
tum hansi tak bhi na pahunche hum fugan tak aa gaye
zulf mein khushbu na thi ya rang aariz mein na tha
aap kis ke aarzoo mein gulistan tak aa gaye
rafta rafta rang laya jazba-e-khamoshi-e-ishq
wo tagaful karte karte imtihan tak aa gaye
khud tumhen chak-e-gireban ka shaur aa jayega
tum vahan tak aa to jao hum jahan tak aa gaye
aj ‘qabil’ maikade mein inqalab aane ko hai
ahal-e-dil andesha-e-sud-o-ziyan tak aa gaye

Categories : Honthoo Shayari Tags : , , , ,

Apni soi hui duniya ko jaga lun to chalun – Moin Ahsan Jazbi

Posted by 12 September, 2012 (0) Comment

apni soi hui duniya ko jaga lun to chalun
apne gamkhane mein ik dhum macha lun to chalun
aur ik jam-e-may-e-talkh chadha lun to chalun
abhi chalata hun zara khud ko sambhalun to chalun
jane kab pi thi abhi tak hai may-e-gam ka khumar
dhundhala dhundhala sa nazar aata hai jahan-e-bedar
aandhiyan chalati hain duniya hui jati hai gubar
aankh to mal lun zara hosh mein aa lun to chalun
wo mera sahir wo ejaz kahan hai lana
meri khoi hui aavaz kahan hai lana
mera tuta hua wo saz kahan hai lana
ik zara geet bhi is saz pe ga lun to chalun
main thaka hara tha itane mein jo aaye badal
kisi matavale ne chupke se badha di botal
uff wo rangin pur-asarar khayalon ke mahal
aise do char mahal aur bana lun to chalun
meri aankhon mein abhi tak hai muhabbat ka gurur
mere honton ko abhi tak hai sadaqat ka gurur
mere mathe pe abhi tak hai sharafat ka gurur
aise vahamon se bhi ab khud ko nikalun to chalun

Categories : Honthoo Shayari Tags : , , , , ,

Tum Mujhe Kabhi Dil Kabhi Aakhon Se Pukaro

Posted by 31 August, 2012 (0) Comment

Tum Mujhe Kabhi Dil Kabhi Aakhon Se Pukaro
Ye Hothon Ke Taqaluf To Zamane Ke Liye Hain

Categories : Honthoo Shayari Tags :

Hountoo Ka Tabasuum Rahay Qaim

Posted by 31 August, 2012 (0) Comment

Us Kai Hountoo Ka Tabasuum Rahay Qaim
Us Kai Jeewan Main Khushyooo Ka Basaira Ker Day
To Mairay Karb Ki Ratooo Ko Bhalay Khattam Na Ker
Us Ki Her Shaam Kai Aakhir Main Sawaira Ker Day
Us Kai Dil Kai Koonay Main Jaga Dai Mujh Ko
Us Ki Ankhooo Ko Mairay Sapno Ka Zakhira Ker Day

Categories : Honthoo Shayari Tags :