Duniya Shayari

Free Duniya Shayari / Sms / Poetry in Hindi & Urdu

Na ghar bar na koi thikana khanabadosh hain – Saeed Rahi

Posted by 31 August, 2012 (0) Comment

Na ghar bar na koi thikana khanabadosh hain
apna kam hai chalte jana khanabadosh hain
chand aur suraj sathi sadiyon sadiyon ke
donon se rishta hai purana khanabadosh hain
rang badalate mausam jaisi apni hasti hai
barish va dhup se kya ghabarana khanabadosh hain
apne liye hain donon barabar ae duniya valo
kya butakhana kya maikhana khanabadosh hain

Incoming search terms:

Categories : Duniya Shayari Tags : , , , , ,

Na hara hai ishq na duniya thaki hai – Khumar Barabankvi

Posted by 31 August, 2012 (0) Comment

Na hara hai ishq na duniya thaki hai
diya jal raha hai hawa chal rahi hai
sukun hi sukun hai khushi hi khushi hai
tera gham salamat mujhe kya kami hai
charagon ke badle makan jal rahe hain
naya hai zamana nai roshni hai
are o jafaon pe chup rahane valo
khamoshi jafaon ke taid bhi hai
mere rahbar mujh ko gumrah kar de
suna hai ki manzil qarib aa gai hai
‘khumar’ ek balanosh tu aur tauba
tujhe zahidon ke nazar lag gai hai

Categories : Duniya Shayari Tags : , , , , ,

Khub pehchan lo asrar hun main – Majaz Lucknawi

Posted by 31 August, 2012 (0) Comment

Khub pehchan lo asrar hun main
jins-e-ulfat ka talabgar hun main
ishq hi ishq hai duniya meri
fitana-e-aql se bezar hun main
chedati hai jise mizarab-e-alam
saz-e-fitarat ka wohi tar hun main
aib jo hafiz-o-khayyam mein tha
han kuch is ka bhi gunahgar hun main
zindagi kya hai gunah-e-adam
zindagi hai to gunahgar hun main
meri baton mein masihai hai
log kahate hain ki bimar hun main
ek lapakata hua shola hun main
ek chalati hui talavar hun main

Categories : Duniya Shayari Tags : , , , , ,

Na khauf-e-barq na khauf-e-sharar lage hai mujhe – Malikzada Manzoor Ahmad

Posted by 31 August, 2012 (0) Comment

Na khauf-e-barq na khauf-e-sharar lage hai mujhe
khud apne bag ke phoolon se dar lage hai mujhe

ajeeb dard ka rishta hai sari duniya mein
kaheen ho jalta makan apna ghar lage hai mujhe
main ek jam hun kis kis ke honth tak pahunchun
gazab ke pyas liye har bashar lage hai mujhe

tarash leta hun us se bhi aaine “manzoor”
kisi ke hath ka pathar agar lage hai mujhe

Categories : Duniya Shayari Tags : , , , , ,

Tamannaon mein ulajhaya gaya hun – Shad Azeemabadi

Posted by 31 August, 2012 (0) Comment

Tamannaon mein ulajhaya gaya hun
khilaune deke bahalaya gaya hun
hun is kuche mein har zarre se aagah
idhar se muddaton aaya gaya hun
dil-e-muztar se puch ae raunaq-e-bazm
main khud aaya nahi laya gaya hun
savera hai bahut ae shor-e-mahashar
abhi bekar uthavaya gaya hun
lahd mein q na jaun muh chupaye
bhari mahafil se uthavaya gaya hun
kuja main aur kuja ae “shad” duniya
kahan se kis jagah laya gaya hun

Categories : Duniya Shayari Tags : , , , , ,

Tang aa chuke hain kash-ma-kash-e-zindagi se hum – Sahir Ludhianvi

Posted by 31 August, 2012 (0) Comment

Tang aa chuke hain kash-ma-kash-e-zindagi se hum
thukra na den jahan ko kaheen bedili se hum
mayusi-e-ma’al-e-mohabbat na puchiye
apanon se pesh aaye hain beganagi se hum
lo aj hum ne tod diya rishta-e-ummid
lo ab kabhi gila na karenge kisi se hum
ubharenge ek bar abhi dil ke val-vale
go dab gaye hain bar-e-gam-e-zindagi se hum
gar zindagi mein mil gaye phir ittafaq se
puchenge apna hal teri bebasi se hum
ALLAH re fareb-e-masahiyat ke aj tak
duniya ke zulm sahate rahe khamoshi se hum
hum gam-zada hain laye kahan se khushi ke geet
denge wahi jo payenge is zindagi se hum

Categories : Duniya Shayari Tags : , , , , , ,

Phir chedi raat baat phoolon ke – Makhdoom Moinuddin

Posted by 31 August, 2012 (0) Comment

Phir chedi raat baat phoolon ke
raat hai yan barat phoolon ke
phul ke har phul ke gajare
sham phoolon ke raat phoolon ke
aap ka sath sath phoolon ka
aap ke baat baat phoolon ke
phul khialte rahenge duniya mein
roz nikalegi baat phoolon ke
nazaren milati hain jam milate hain
mil rahi hai hayat phoolon ke
ye mahakati hui gazal “makhdoom”
jaise sahara mein raat phoolon ke

Categories : Duniya Shayari Tags : , , , , , ,

Phir aj mujhe tum ko bas itna batana hai – Sudarshan Faakir

Posted by 31 August, 2012 (0) Comment

Phir aj mujhe tum ko bas itna batana hai
hansana hi jivan hai hanste hi jana hai
madhuban ho ya gulshan ho patajhad ho ya savan ho
har hal mein insan ka ik phul sa jivan ho
kanton mein ulajh ke bhi khushbu hi lutana hai
hansana hi jivan hai hanste hi jana hai
har pal jo guzar jaye daman ko to bhar jaye
ye soch ke jee lain to taqdir sanvar jaye
is umr ke rahon se khushiyon ko churana hai
hansana hi jivan hai hanste hi jana hai
sab dard mita den ham, har gham ko saza den hum
kahate hain jise jina duniya ko sikha den hum
ye aj to apna hai kal bhi apanana hai
hansana hi jivan hai hanste hi jana hai

Categories : Duniya Shayari Tags : , , , , ,

Tasvir banata hun tasvir nahi banati – Khumar Barabankvi

Posted by 31 August, 2012 (0) Comment

Tasvir banata hun tasvir nahi banati
ek khwab sa dekha hai tabir nahi banati
bedard muhabbat ka itna sa hai afasana
nazron se mili nazaren main ho gaya divana
ab dil ke bahalane ke tadabir nahi banati
dam bhar ke liye meri duniya mein chale aao
tarasi hui aankhon ko phir shaql dikha jao
mujhase to meri bigadi taqadir nahi banati

Incoming search terms:

Categories : Duniya Shayari Tags : , , , , , ,

Us ne jab tyori badal kar baat ke

Posted by 31 August, 2012 (0) Comment

Us ne jab tyori badal kar baat ke
mit gai duniya meri jazbat ke
tum ne shishe pe jhuk kar baat ke
wo uthi kali ghata barsat ke
dil ke dhadakan bad rahi hai har nafas
tez hai raftar paigamat ke
tum mere duniya meri uqba meri
ab kami mujh ko bhala kis baat ke
ro diye hum dekh kar su-e-falak
us ne hans kar jab kisi se baat ke

Categories : Duniya Shayari Tags : , , ,